Plantun de Prouvènço

Pèr coumpara dos planto d'encò nostre

Reboulia hemisphaerica & Lithospermum officinale

Reboulia hemisphaerica

Aytoniaceae

Nom en français : Hépatique hémisphérique.

Descripcioun :
Es uno epatico de taio mejano que trachis en coulounìo sus lou sòu o li roco cauquiero. Lou tale èi d'un verd sourne dessubre e un pau pourpre dessouto. Fai souvènt d'espouroufite que li capèu femèu an 4 à 6 lobe.

Usanço :
I'a pas trop pèr s'engana. Coumpara emé l'epatico-di-capèu-pounchu Conocephalum conicum que fai pas jamai de garbello à proupagulo.

Port : Tale coumplèisse
Taio : 1 à 3 cm
Fueio : ges
Tipe bioulougico :
Cicle bioulougico : Planto renadivo

Gènre : Reboulia
Famiho : Aytoniaceae

Ordre : Marchantiales

Coulour de la flour :
Petalo : ges
Ø (o loungour) flour : ges
Flourido : Printèms

Sòu : Ca
Autour basso e auto : 100 à 2200 m
Aparado : Noun

Liò : Sòu - Roco
Estànci : Mesoumediterran à Subaupen
Couroulougi : Cousmoupoulito
Ref. sc. : Reboulia hemisphaerica (L.) Raddi, 1818

Erbo-di-perlo

Lithospermum officinale

Boraginaceae

Àutri noum : Erbo-de-la-perlo, Erbo-perliero, Tè-perla.

Noms en français : Grémil officinal, Herbe aux perles.

Descripcioun :
Aquelo planto, un pau grando, se recounèis majamen à si fru blanc qu'esbrihon coume de perlo. Autramen, quouro flourejo, sèmblo proun à l'erbo-de-la-pisseto, mai èi proun grando, majamen si fueio. Peréu s'atrobo pas dins li mémi relarg.

Usanço :
L'erbo-di-perlo èi couneigudo pèr bèn ajuda à pissa (diuretico). Sougno li graviho dóu ren. Se pren en tisano un cop la planto seco. Servié peréu pèr leva de gran dis iue emé la grano (de bouta souto la parpello de dessouto).